БЕЛАРУСКАЯ ПАЛІЧКА

Я прашу цябе, як брата,

Вецер, будзь ласкавы:

Не гані ты хмар над хатай

Са страхой дзіравай,

Над той хатай, дзе Алеся

Знайшла свае прочкі.

Не бубні дажджом па стрэсе,

Дай ёй радасць ночкі,

Каб яна спакойна спала

        У сухой пасцелі,

Каб згрызот, бяды не знала

На тым наваселлі.

Дык змілуйся, вецер-дружа,

Ты над сіратою,

Будзь ты сам ёй замест мужа

З ласкай, з дабратою.