epub
 
падключыць
слоўнікі

Якуб Колас

"Яшчэ адзін усход мінаю..."

* * *

 

Яшчэ адзін усход мінаю

І ў новы круг дзянькоў іду

І на парозе іх пытаю:

«Куды, куды цяпер брыду?»

 

Якая здарыцца прыгода

Ў маім блуканні без дарог?..

Ідуць, ідуць у вечнасць годы,

Як хмаркі ў сініх нябесох.

 

І я б хацеў уведаць: «Дзе ты,

Той страшны жыцця паварот,

Калі на звод ідуць ўжо леты,

Калі з гары зачаўся сход?»

 

22/Х 1917


22.10.1917

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938