Празорлівым зрокам
Трыбуна-прарока
Асветлены Леніным шлях.
Ён скованай сіле
Даў волю і крылле –
Шырокі, магутны размах.
Краіна Саветаў
Паўстала над светам,
Як новае сонца зямлі.
Ні громы, ні буры,
Ні грозы-віхуры
Адолець яе не змаглі.
У постаці гордай
Стаіць яна цвёрда,
Як волат, як міру скала.
Ці ж зверне з дарогі
Яе свет убогі,
Дзе густа навісла імгла.
Над нашай Радзімай
Агнём незгасімым
Нам ленінскі свеціць прамень.
Вядзе ж яе Сталін
У светлыя далі,
У новы, у радасны дзень.
Ляжыць перад намі
Умыты агнямі
Чароўны, бяскрайні разлог...
Між нас жыве Ленін,
Як з геніяў геній, –
Да новых заве перамог.
16/І 1952