epub
 
падключыць
слоўнікі

Якуб Колас

На ростанках

Ты скажы мне, цьма глухая:

Доўга будзеш ты ляжаць?

Доўга будзе думка злая

Сэрца жалем калыхаць?

 

Не шумі ты, лес высокі,

Нудных песень не спявай,

Дзён шчаслівых, дзён далёкіх

Ты мне, лес, не ўспамінай!

 

Не відно мае дарогі –

Горы, лес, балоты, гразь...

Колькі смутку і трывогі

Ў гэты цяжкі, цёмны час!

 

Дзе ж, дарога ты другая?

Я стаю адзін, адзін,

Ноч вакол ляжыць глухая...

Ці ж то свет сышоўся ў клін?

 

Дык скажы мне, цьма глухая:

Доўга будзеш ты ляжаць?

Доўга будзе думка злая

Сэрца жалем калыхаць?

 

[1907]


[1907]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910