Эй, з-за лесу ды з-за гор
Сонца выплывае.
Зашумі ты, цёмны бор,
Пушча векавая!
Пойдзем, пойдзем ваяваць,
Долю, волю здабываць.
Расступіцеся, лясы,
Перад нашай сілай,
Няхай стануць верасы
Панскаю магілай.
Будзем, будзем гнаць паноў,
Біць, як чортавых сыноў!
Эй, вядзі ж ты нас у бой,
Камандзір удалы!
Абаронім край мы свой
Ад ліхой навалы.
Гайда, гайда ж у паход
Нішчыць люты панскі зброд!
1937