epub
 
падключыць
слоўнікі

Якуб Колас

Песня

Недалёка ад Урала

Школа земская стаяла, –

Прасвяшчала.

У той школе бацы жылі,

Гнёзда вілі.

Восем год яна стаяла

І... упала!

Як у земскім учраждзенні

Сабралісь для абсуджэння,

Як бы школу ім паправіць

Для вучэння.

Сабраліся, палажылі

Манапольку там паставіць

Для вяселля...

Эх, ты, Русь ты, Русь святая!

Ты не розумам радная, –

Крэпка «глоткай»,

Заліваеш сваё гора

Толькі водкай.

 

[1907]


[1907]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910