Выйшлі мы ў прасторы
Праз імжу, туманы,
Праз крывавы жах.
Сокал ясназоры,
Генія абраннік,
Сталін, ты наш сцяг!
Праз гады-сталецці
Марылі аб шчасці
Людзі ўсіх краін,
Але толькі ў свеце
К шчасцю шлях пракласці
Здолеў ты адзін.
Я гляджу ў здзіўленні
З радасцю паэта
На наш творчы ўзлёт.
У вянку праменняў,
Любасцю сагрэты,
Ты вядзеш народ.
І з твае дарогі
Саступаюць горы,
Ледзяны прыбой.
Песня перамогі
На зямлі, на моры —
Спадарожнік твой.
Цьмее дзень ўчарашні.
Точыць на нас зубы
Злы фашыст-вампір.
Але нам не страшна,
Бо ты з намі, любы,
Мудры правадыр.
Выйшлі мы ў прасторы
Праз дымы, туманы,
Не схіліўшы сцяг.
Сокал ясназоры,
Любы наш, каханы,
Ты наш верны шлях.
Праз гады-сталецці
Марылі аб шчасці
Людзі ўсіх краін.
К шчасцю ж шлях прымеціў,
К праўдзе шлях пракласці
Здолеў ты адзін.
1936