epub
 
падключыць
слоўнікі

Якуб Колас

У турме

Сонца ўстане, сонца зойдзе,

Дзень заменіць ночкі цьма,

А над намі чорнай хмарай

Вісне цесная турма.

 

Птушкі вылецяць на зіму,

Птушкі зноў ляцяць сюды,

Мы ж марнуемся ў астрозе,

Трацім лепшыя гады.

 

Дні мінаюць, дні праходзяць,

Летам зменіцца зіма,

А мы сохнем і марнеем,

Нам тут радасці няма.

 

 

[1910]


[1910]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910