epub
 
падключыць
слоўнікі

Якуб Колас

Вясна на Палессі

(Са зборніка «Другое чытанне для дзяцей беларусаў»)

Свішчуць птушкі над балотам,

Аж гамоніць лес і гай,

І далёка за чаротам

Бухнуў, нібы ў кадзь, бугай.

 

Па азёрах пайшлі крыгі...

Перавалы аж гудзяць.

Над балотам стогнуць кнігі,

Жураўлі ўгары крычаць.

 

Аж душа мая святлее,

І спяваць я зноў гатоў.

Рады ўсе, што сонца грэе,

Што няма больш халадоў.

 

1906–1907


1906-1907

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910