epub
 
падключыць
слоўнікі

Якуб Колас

Забытая магіла

Адно захована названне

Магілы ў полі на гары,

На тым закінутым кургане,

Дзе веюць вольныя вятры.

 

Нічога часы не схавалі:

Згнілі, зваліліся крыжы,

З пліты каменнай спаласкалі

І напіс летнія дажджы.

 

А тут жыццё пачыла неча,

    І ў ім пахован цэлы свет...

Як дым, жыццё ты чалавечча:

Дыхнуў віхор — і згінуў след.

 

[1910]


[1910]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910