Пад гоман бур пылаў наш сцяг змагання,
Пранесены з баямі ў нашы дні.
Мінула ноч. Іскрыстае світанне
Запальвае нам ясныя агні.
Жыві, народ свабоднае краіны!
Квітней ты, беларуская зямля!
Нам Леніным паказаны пуціны
І зорамі асветлены Крамля.
Прасторан шлях палётам быстракрылым,
Імкліў, як гром, разбег наш малады.
На грозны час навалы ўражай сілы
Гартуем мы сталёвыя рады.
Рука ў руку з магутнымі братамі
Мы ў бой ідзём і ў бедах не адны:
Братэрства шчыт узносіцца над намі
І сталінскаю дружбай мы сільны!
Жыві, народ свабоднае краіны!
Квітней ты, беларуская зямля!
Нам Леніным паказаны пуціны
І зорамі асветлены Крамля.
2/ІІІ 1944