epub
 
Падключыць
слоўнікі

Янка Купала

Асёл і яго цень

Асёл, убачыўшы ў вадзе

Ў крынічнай свой асліны цень,

Здзівіўся, стаў, далей не йдзе,

Глядзіць ды думае, як пень.

 

Які тут чорт намаляваў

Мяне інакшым, як я ёсць?

Такія вушы падаваў,

Так пакрывіў на спіне косць!

 

І, каб сябе не аглядаць

Ды разагнаць сваю нуду,

Ён капытом давай мяшаць

З гразёю чыстую ваду.

1914


1914

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан

Беларуская Палічка: http://knihi.com