epub
 
Падключыць
слоўнікі

Янка Купала

Бяспутнасць

Дзе сонца, дзе сонца прытульнага трэба,—

Там хмары, там золкія хмары снуюцца;

Дзе плакаць, дзе слёзы крывава ліць трэба,—

Там людзі, там людзі жывыя смяюцца.

 

Дзе песні, пагудкі прызыўнай дзе трэба,—

Там жальбы там нуднай разносяцца стогны;

Дзе жыць, дзе тварыць жыццё новае трэба,—

Там сыплюць магілы, там — смерць, пахароны!

 

[1920]




Беларуская Палічка: http://knihi.com