epub
 
Падключыць
слоўнікі

Янка Купала

Былі ў бацькі тры сыны...

Былі ў бацькі тры сыны,

Ды ўсе ж яны Васілі.

 

Адзін служыць у дварэ,

Поле панскае арэ;

 

Другі стражнікам з іх стаў,

Куляй, шабляй засвістаў;

 

Трэці згінуў у баю

За свабоду і зямлю.

 

Бацька ў вёсцы сваёй спіць,

І дуда пры ім ляжыць;

 

Ён часамі дзьме ў яе,

Песню нудную пяе:

 

Ой ты, дудка, ой, дуда!

Бяда жыці мне, бяда!

 

Не вяселіш ты мяне

Ў маёй беднай старане.

 

[1907]




Беларуская Палічка: http://knihi.com