epub
 
падключыць
слоўнікі

Янка Купала

Гэй, у свет!..

У свет! У свет! У далеч-даль,

За думкай ўслед, за ветрам ўслед:

Абы змагчы свой смутак, жаль,

Далей у свет! Далей у свет!

 

Душу ўзмацніць, як гартам сталь,

Пачуццяў вырваць з сэрца квет,

З любові здзерці мрояў шаль,

Ляцець у свет, у белы свет.

 

Ды крыл на лёты не стае,

Хоць сэрца спальвае адчай,

Хоць горка мне, хоць цяжка мне!

 

Застацца дома, Божа, дай:

Я маці маю і сясцёр...

...Навошта ў сэрцы мне касцёр?!

 

1906

 


1906

Пераклад: Уладзімір Мархель
Тэкст падаецца паводле выдання: невядомае
Крыніца: невядомая