epub
 
падключыць
слоўнікі

Янка Купала

Я люблю

Я люблю ўсходы нашых палеткаў,

І спавітыя ў зелень лугі,

І шум бору пануры, глухі,

І шаптанне крынічнае ўлетку...

 

Я люблю упрыгожану ў мхі

Нашу вёску — сваёй крыўды сведку,

Свой народ — гэту звяўшую кветку,

Цэлы край — родны мне й дарагі.

 

Я люблю ясны вочы і грудзі

І стан гібкі дзяўчыны-красы:

Аб ёй брэджу наяве і ў сне.

 

Я люблю і заву, бы ў нялюддзі,—

Чуюць кліч мой сухія лясы,

Кліч: хто ж любіць, хто любіць мяне?

 

1912


1912

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан