epub
 
падключыць
слоўнікі

Янка Купала

Як спытаюцца нас

Прыйдуць людзі з Усходу,

Прыйдуць з Захаду людзі

І спытаюцца нас:

«Скуль, якога вы роду?

Дзе зямля ваша будзе,

Дзе айчызна у вас?»

 

Мы ля плота, пад плотам

Паглядзім, пашукаем,

Які даць тут адказ,

І адкажам: «Э, што там...

Мусіць, бабскім звычаем

Збегла ўпрочкі на час».

1911


1911

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан