epub
 
Падключыць
слоўнікі

Янка Купала

Калатуха

Род за родам ходзіць ходам...

Многа клопату з «Усходам».

Водзіць гандаль, як быкамі,

«Младатурак» султанамі.

 

Патрасае Тэгеранам

Персіянец з Сатарханам.

Шум падняўся на паўсвета...

Бачыць рускі усё гэта,—

 

Вухам кожны шум хапае

І «на вус» сабе матае.

А ўсё клопаты Еўропе:

Хто ухопе, хто не ўхопе?

 

1909


1909

Тэкст падаецца паводле выдання: Поўны збор твораў. У 9 т. - Т. 2. Вершы, пераклады 1908-1910. - Мн.: Маст. літ., 1996. -342 с. [4] л. іл.
Крыніца: скан

Беларуская Палічка: http://knihi.com