epub
 
Падключыць
слоўнікі

Янка Купала

Калі пачнуць...

Калі пачнуць збірацца хмары

І неба ўсцелюць чарнатой,—

Тады ўсплываюць буйны ветры

І віхрам гоняць над зямлёй.

 

Адвечным борам закалышуць,

Сухі ліст з лесу гоняць проч,

Ніштожаць хмар калматых горы

І ясным днём змяняюць ноч.

 

Калі прыгнецены няпраўдай

Які знябудзецца народ,—

Тады з’яўляюцца прарокі

І ўсенародны клічуць сход...

 

Расце на сходзе недавольства,

А дудароў магутны хор

Пяе аб крыўдах і ўсіх кліча

Да новых праўд, да новых зор.

 

1912


1912

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан

Беларуская Палічка: http://knihi.com