БЕЛАРУСКАЯ ПАЛІЧКА

Янка Купала

"Легла на сэрцы гора нядольнае..."

* * *

Легла на сэрцы гора нядольнае,

Легла і мучыць, гняце,

Ў думках замёрла жальба нявольная,

Боль неспажыты цвіце.

 

Дзе я ні кінуся, з песняй ні вылету,—

Выхаду, сцежкі няма...

Лёдам гасцінец мой выбіты, выліты,—

Лёд — як магіла сама.

 

1907

1907

---

Тэкст падаецца паводле выдання: Купала Я. Поўны збор твораў. У 9 т. - Т. 1. Вершы, пераклады 1904-1907. Мн., Маст. літ., 1995. -462 c. [4] л. іл.
Крыніца: скан