epub
 
Падключыць
слоўнікі

Янка Купала

На беларускую выдавецкую суполку «Загляне сонца і ў наша аконца»

1
2


1

Што і мы аб чымсь дбаем,— выдавецкую маем

Суполку ад прошлага лета,

Дый ажно «Загляне сонца і ў наша аконца»

Таварыства ахрышчана гэта.

 

Але ўсё йшчэ цямноты... Як да кожнай работы,

Не надта спяшыць мы ахвочы;

Знаць, пакуль гэта «сонца» гляне ў наша аконца,

Начная раса выесць вочы.

 

2

Горы абяцаці —

Не споўніць крыхі —

Не святыя лепяць

Гэткія гаршкі.

 

Ёсць у нас «суполка» —

Цешся, беларус,

Тваёй мовай кніжак

Надрукуе стус.

 

Ой, спяшыць суполка

Кніжкі выдаваць,

Хіба на тым свеце

Будзем іх чытаць.

 

1907




Беларуская Палічка: http://knihi.com