epub
 
Падключыць
слоўнікі

Янка Купала

На полі тае

На полі стаяў бледны снег,

Вясна абходзіць поле...

Пакінь у хаце свой начлег,

Устань са сну, саколе!

 

Паводка б’ецца ў берагі

І ў шляхі б’е нямыя,

Яшчэ разгон адзін, другі —

І ложа тваё змые.

 

Плакуча шумам стогне бор,

Пракляццем бор заводзе,

На тых нясе свой прыгавор,

Што спяць назло прыродзе.

 

Па небе сонейка дугой

Заносіць круг паволі...

Пакінь начлег у хаце свой,

Устань са сну, саколе!

1914




Беларуская Палічка: http://knihi.com