epub
 
падключыць
слоўнікі

Янка Купала

Па дарозе

Ідзеш па каменнях,

Глядзіш на каменне,

З камення і цэглы

Муры і скляпенні.

 

Драўляныя хаткі,

Ў прысадах — дарогі,

Мураўка і кветкі

Кладуцца пад ногі.

 

*

Жалезныя краты

Звакол пазіраюць,

Шум, скрыгат, задуха

Душу выдзіраюць.

 

Бязмежнае неба,

Зялёнае поле,

Чырыканне птушак...

А воля! А воля!..

 

1910


1910

Тэкст падаецца паводле выдання: Поўны збор твораў. У 9 т. - Т. 2. Вершы, пераклады 1908-1910. - Мн.: Маст. літ., 1996. -342 с. [4] л. іл.
Крыніца: скан