epub
 
Падключыць
слоўнікі

Янка Купала

"Праз што плачаш, мужычок..."

* * *

Праз што плачаш, мужычок?

— Праз людзей і неба.

 

Чаго хочаш, мужычок?

— Трохі солі, хлеба.

 

Калі шчасліў, мужычок?

— Як водкі нап’юся.

 

Калі грозен, мужычок?

— Як з жонкаю б’юся.

 

Праз каго сыт, мужычок?

— Праз свой труд і сілу.

 

А не ў крыўдзе калі ты?

— Як лягу ў магілу.

 

[1906-1912]


[1906-1912]

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан

Беларуская Палічка: http://knihi.com