epub
 
Падключыць
слоўнікі

Янка Купала

Світае

Эй, годзе ўжо спаць! Уставайце!

Глядзіце — світаць пачало.

Скарэй жа, скарэй паспяшайце:

Нясе сонца свет і цяпло.

 

Яно сэрцы нам разагрэе,

Адчыняцца вочы на свет,

Яно сон наш хутка развее,

Вясёлы шлючы нам прывет.

 

Ўжо годзе, ўсю ночку праспалі,

Ўжо годзе, у цемры былі;

Глядзіце — ноч скрылась удалі,

Свет сонца царыць на зямлі.

 

[1919]


[1919]

Тэкст падаецца паводле выдання: Янка Купала. Поўны збор твораў. У 9 т. - Т.4. Вершы, пераклады 1915 -1929. - Мн.: Маст. літ., 1997. - 446 с., [4] л. іл.
Крыніца: скан

Беларуская Палічка: http://knihi.com