epub
 
Падключыць
слоўнікі

Янка Купала

У зялёным садочку

У зялёным садочку

Пад ігрушай ў цянёчку

Сядзіць хлопец з дзяўчынкай

І мілуецца з ёю,

З ненаглядкай сваёю,

Та гарыць, як лучынка.

 

І цалуе ж ён любай

Сваёй вочкі і губы.

Песціць, як не задуша.

Дружок з дружкай варкуе,

Салавей ім ўтуруе,

Шуміць над імі йгруша.

 

Вось прыціхлі, прымлелі,

Дрож прабегла па целе,

Ўсхваляваліся грудзі.

І забыўся ён з ёю,

З ненаглядкай сваёю,

Што ёсць свет, што ёсць людзі.

 

1907




Беларуская Палічка: http://knihi.com