epub
 
падключыць
слоўнікі

Янка Купала

Ваякі

Сышліся два светы на сцежцы адной

І ўдарылі ў спрэчку яны між сабой.

 

— Маё ўжо тут права! — сказаў малады.

Стары: — Не тваё, а маё — заўсягды!

 

Дагледзела трэцяе тут іх жыццё

І кажа: — Не ваша, а ўсё тут маё!

 

Чацвёрты ўсім вецер кіўнуў галавой...

Сышліся ваякі на сцежцы адной.

 

1911


1911

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан