epub
 
Падключыць
слоўнікі

Янка Купала

Выйду...

Выйду я, выйду

З лубкай сваею

I шнур вузенькі

Густа абсею.

 

Густа рассею

Збожжам зярністым

Па гэтым полі

Па камяністым.

 

Мо блісне доля

Над маёй нівай

І пагадліва,

І урадліва.

 

Агрэе ў холад,

Скропе ў пагодзе,

Буйна і спорна

Шнур мой уродзе.

 

Сажну увосень,

Як будзе спелы,

Хопіць мне хлеба

На годзік цэлы.

 

[1905-1907]




Беларуская Палічка: http://knihi.com