epub
 
падключыць
слоўнікі

Янка Купала

З людзьмі

Трудна, крыўдна жыць на свеце

Між нячулымі людзьмі,

Не раз вочы маладыя

Заліваюцца слязьмі.

 

Не раз сэрца затрасецца

Ад няпраўды векавой,

Не раз так яны дадзенуць,

Што расстаўся б і з душой.

 

Адных выракся б навекі,

Кляцьбой плюнуў бы другім,

За дазнаныя ўсе крыўды,

Эх, і мсціў бы, мсціў усім!

 

9 лістапада 1906


09.11.1906

Тэкст падаецца паводле выдання: Купала Я. Поўны збор твораў. У 9 т. - Т. 1. Вершы, пераклады 1904-1907. Мн., Маст. літ., 1995. -462 c. [4] л. іл.
Крыніца: скан