epub
 
Падключыць
слоўнікі

Янка Купала

Зоркі

Ночкай, як толькі выходзіў я з хаты,

Зоркі на небе страчаў я чатыры;

Кожны раз зводзіў іх вогнік крылаты,

Хоць к ім з малітвай узносіўся шчырай.

 

Першая — бацькава зорка яснела,

Маткі — другая глядзела ў свет горка,

Трэцяя мне мігацела нясмела,

Роднай зямелькі — чацвертая зорка.

 

Першая згасла навекі не ў часе,

Звольна губляе бліск свой другая,

Трэцяя сумнаю мглой спавілася,

Толькі чацвертая лепей міргае.

 

1911


1911

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан

Беларуская Палічка: http://knihi.com