epub
 
Падключыць
слоўнікі

Янка Непачаловіч

«Развіхрылася віхура...»

Развіхрылася віхура,

Закружыла ў танцах злосных,

Увайшоўшы ў лес пануры,

Загрудкі хапае сосны.

 

Бор схрысціўшы бураломам,

Нарабіўшы шкоды многа,

З свістам, гіканнем і громам

Рушыла сваёй дарогай.

 

Леглі ўпокат сосны тыя,

Што чубы ўпіралі ў хмары.

Не сляпая і стыхія,

Выбіраючы ахвяры.

 




Беларуская Палічка: http://knihi.com