epub
 
Падключыць
слоўнікі

Янка Сіпакоў

"Аж прагінаецца бетон..."

Аж прагінаецца бетон,

Як самалёт садзіцца цяжка.

І гэтаксама гнецца ён,

Калі па ім паўзе мурашка.

 

Спяшаць насустрач, лоб у лоб...

Здаецца, ў гэтае імгненне

Чакае кожны — не было б,

Не стала б толькі сутыкнення.

 

І нас халодзіць, нібы лёд,

Чаканне гэта — клопат важкі...

Садзіцца цяжка самалёт,

Імчыць на лёт яму мурашка.




Беларуская Палічка: https://knihi.com