epub
 
Падключыць
слоўнікі

Янка Сіпакоў

Брацкая магіла

Здаецца, што дрэвы няўмела

Над ёй абдымаюцца ўпотай;

Здаецца, цалуюцца кветкі

Засмяглымі, прагнымі вуснамі;

Шэпчуцца, шэпчуцца травы,

Быццам вясною каханыя,

Бо травы,

і кветкі,

і дрэвы

З каханняў няздзейсненых выраслі,

З маладых салдацкіх жаданняў,

Якімі праз дрэвы,

і кветкі,

і травы

Мёртвыя ў вечнасці трызняць.




Беларуская Палічка: https://knihi.com