epub
 
Падключыць
слоўнікі

Янка Сіпакоў

"Ёсць жа людзі: пагляд — нібы ў кобры..."

Ёсць жа людзі: пагляд — нібы ў кобры,

Вочы — быццам халоднае шкло;

Хочуць, каб і самім было добра

І каб кепска ўсім іншым было.

 

А душа наша — ўся са спагады,

Спачуванне з жыццём нам далі.

Хіба хто-небудзь зможа быць рады,

Калі іншаму дужа баліць?!

 

Вось таму непрытворна хачу я

У людскім разнамоўным гаю

Боль чужы і бядоту чужую

Адчуваць векам век як сваю.




Беларуская Палічка: https://knihi.com