epub
 
Падключыць
слоўнікі

Янка Сіпакоў

"Калі ўпершыню..."

Калі ўпершыню

Ад самалётаў,

Якія да гэтага часу былі мірныя

І толькі што прывозілі

Пісьмы,

Гасцей,

Татаў з камандзіровак,

Пачынаюць аддзяляцца бомбы —

Маленькія, як камары, крапінкі,—

Дзеці яшчэ паспяваюць нарадавацца...

Яны бягуць туды,

Дзе бомбы павінны ўпасці,

І яшчэ паспяваюць крыкнуць дарослым:

— Глядзеце!

Глядзеце, як цікава!..

— Гля...

 

Дз-е-е-ц-і-і!




Беларуская Палічка: https://knihi.com