epub
 
Падключыць
слоўнікі

Янка Сіпакоў

Крыўда

Паводле народнага

 

Як збіраўся да дзеўчыны хлапец,

Яго маці папярэджвала,

Яго маці папярэджвала,

Выпраўляючы з сянец:

 

— Ты ж глядзі, мой сыночак, глядзі,

Не пакрыўдзі нічым каханую,

Не пакрыўдзі нічым каханую —

Ва ўсім дагадзі.

 

— Ты не бойся, матулька мая,

Ад яе буду вельмі далёка,

Ад яе буду вельмі далёка

Я ўвесь вечар стаяць.

 

Не крануся яе і рукой,

Каб не ўкрыўдзіць каханай,

Каб не ўкрыўдзіць каханай

Абразай такой...

 

А каханая выйшла з сяла,

Яго гэтак ветла сустрэла,

Яго гэтак ветла сустрэла

І сама абняла.

 

І прасіла ля самых сянец:

— Пакрыўдзі мяне хутчэй ты,

Пакрыўдзі мяне хутчэй ты —

Пацалуй мяне!




Беларуская Палічка: https://knihi.com