epub
 
Падключыць
слоўнікі

Янка Сіпакоў

Салаўіная бяссонніца

Месяц у поўныя росы глядзіцца,

Вецер ледзь чутна у лісці шапоча.

Сённяшняй ноччу нікому не спіцца,—

Каму ж пажадаеш добрае ночы?

 

Чутна, на возеры плёскаюць вёслы —

Дзяўчаты з хлапцамі наслухацца хочуць,

Аб чым салаўі спяваюць за вёскай;

Навошта яно тут — «добрае ночы!».

 

З кветкі упала расіна са звонам,

Кветка пялёсткамі выцерла вочы...

Ніхто ж салаўю,

яго песні бяссоннай,

Сказаць не асмеліцца: «Добрае ночы!»




Беларуская Палічка: https://knihi.com