epub
 
Падключыць
слоўнікі

Янка Сіпакоў

"Слухаю песню конікаў..."

Слухаю песню конікаў.

Слухаю толькі як музыку.

Я не хачу разумець іх мову

І не хачу дапытвацца,

Пра што яны

Так натхнёна размаўляюць...

Бо

Як жа мне будзе балюча,

Калі я, спазнаўшы іх мову,

Збянтэжаны і абражаны,

Зразумею раптам,

Што яны зусім не спяваюць,

А ўсяго толькі

Сварацца між сабою...




Беларуская Палічка: https://knihi.com