У сямідзесятыя гады з паліц
кнігарняў і бібліятэк знікла кні-
га лаўрэата Ленінскай прэміі
пісьменніка Сяргея Смірнова
«Брэсцкая крэпасць».
(З газет)
«Прапала без вестак
«Брэсцкая крэпасць...»
(Яна ў Вас настольнаю кнігай была.)
«Загінулі мы,
але мы і ўваскрэслі
у кнізе-подзвігу...»
(Скуль кропля там зла?)
Зайду па-суседску да Вас у кватэру,
Пакажаце крэслы, як сведак жывых:
«Сядзеў тут Смірноў...
(І сам аж не веру.)
Гаўрылаў — там...
(Брат па сцёкшай крыві)».
А летам пагутарым мы праз балконы...
«Зноў ноччу
выходзіў з-пад выбухаў я.
Трасці мяне будзе
крэпасць да скону...
Вось толькі пужаецца ранкам сям’я...»
Чыя ж там рука ўладарна закрэсліла
кнігу святую,
як росчырк свінца?..
Прапала без вестак «Брэсцкая крэпасць»
Шукайма яе,
як шукалі апошняга ў форце байца...