«Ісаакій» над Нявою...
Стаю, разглядаю іканастас...
Нас двое:
я і нябачны мастак
у намітцы мінулага веку,
акадэмік,
родам з вілейскай вёскі Цынцэвічы,
Сілівановіч...
Фрагмент іканастаса
«Тайная вячэра»...
Вось Вы, акадэмік,
зрабілі апошні штрышок мазаічны,
некалькі крокаў ступілі назад —
на цэлую вечнасць наперад...
Я — нямею ад здзіўлення...
Вы — узнёслы,
быццам стагоддзі,
якія будуць глядзець
на іканастас
«Ісаакія» над Нявою...