epub
 
Падключыць
слоўнікі

Яўгенія Янішчыц

«Прыедзь у край мой ціхі...»

Прыедзь у край мой ціхі,

Тут продкаў галасы,

Тут белыя бусліхі

І мудрыя лясы.

 

Хапае на Палессі

І сонца, і вады.

І што ні двор - то песня,

Што вёска - то сады.

 

Па травах светла-шызых

Мы пройдзем ля ракі,

Дзе, мыючы бялізну,

Вядуць сваё жанкі.

 

І будзе песня спета

Пра шчасце і бяду,

І будзе падаць лета

Ў гуллівую ваду.

 

Прыедзь у край мой ціхі,

Тут продкаў галасы.

Тут белыя бусліхі

І мудрыя лясы.

 




Беларуская Палічка: http://knihi.com