epub
 
падключыць
слоўнікі

Язэп Пушча

Вясновае

Марац,

Думак схіліўшы галлё,

Марыць

Аб мурожнай мяжы.

Сонца чырвоны галоп

Золатам далі імжыць.

 

Раніца

Ў полі рыкае

У зялёную сінь.

Раніць

Грудзі рака ёй.

Вісне вясны каласнік.

 

Вецер

Пад гаем

Песняю поўдзень аўсяніць.

Сяляне ў сутулых павецях

На вышкі ўсцягваюць сані.

 

Хлявы раскідаюць каровы,

Абмякініўшы пысы ў мякіну.

Уцяку я сягоння ў дуброву,

Гаратлівую хату пакіну.

 

Ў карагодзе з дзяўчатамі стану

І буду вясну заклікаць.

Хай вечар, абвязаны белым туманам,

Абніме мяне і кудлатую раць.

 

[1924]

 


1924?

Тэкст падаецца паводле выдання: невядомае
Крыніца: невядомая