epub
 
Падключыць
слоўнікі

Юлі Таўбін

Адкінуўшы фіранку...

 

Адкінуўшы фіранку,

Гляджу праз пыл і дым, -

Сялянская фурманка

На бруку гарадскім.

 

Вітрыны і афішы

І коміны ўгары...

Паветра дымам дыша,

Ў паветры дым і крык.

 

І вось яна мінае

Манто і паліто,

Спакойныя трамваі

І дзёрзкія аўто.

 

І ў вуліц ліхаманку

І ў спёку, ў пыл і дым

Імчыць мая фурманка

Па бруку гарадскім.

 

Жнівень, 1929

 




Беларуская Палічка: http://knihi.com