epub
 
падключыць
слоўнікі

Юлі Таўбін

«Даверлівы - зусім не скептык...»

 

Даверлівы - зусім не скептык -

Ўсяму я веру, ўсё цаню...

Як толькі ноч накіне кепку,

Лаўлю і шум, і цішыню...

 

Мне ўсё тут люба...

                        Ўсё знаёма -

Будынка даўняга фасад...

Ў забытым садзе - патаёма

Так хітра сплеценых прысад...

 

Завулкаў ціш і вуліц шумы,

Недатыкальнай сіні гладзь,

І гэты дом, і сіні нумар

На ім:

16/45.

 

17.08.1929, Мсціслаўль

 


17.08.1929

Тэкст падаецца паводле выдання: невядомае
Крыніца: невядомая