epub
 
Падключыць
слоўнікі

Юлі Таўбін

«На вуліцах - мароз і маладзік...»

 

На вуліцах - мароз і маладзік

І рэдкі стук рамізніцкіх фурманак...

Абсыпаны снягамі паштавік

Ўзыходзіць ціха на суседні ганак.

 

Я да акна ў задумнасці прынік -

Акно маё узорамі заслана...

На вуліцах - мароз і маладзік

І рэдкі стук рамізніцкіх фурманак.

 

24.01.1929, Мсціслаўль

 


24.01.1929

Тэкст падаецца паводле выдання: невядомае
Крыніца: невядомая

Беларуская Палічка: http://knihi.com