epub
 
Падключыць
слоўнікі

Юлі Таўбін

«Панарамы лясоў і балот...»

 

Панарамы лясоў і балот,

Краявіды імшыстых нізін...

І на Захад, на Поўнач, на Ўсход -

Я ды край мой - адзін на адзін.

 

Будзь здароў!..

               Пакахай і пястуй

У абдымках ліпнёвых начэй...

Чуеш сэрца ўстрывожаны стук,

Бачыш палкасць гарачых вачэй...

 

Я прыйшоў ад каменных будоў,

Ад асфальтавых сцежак і троп,

Я прынёс табе шчырасць-любоў

І ў напевах - жалезны настрой.

 

Я прыйшоў на прасторы палос

Палюбіць і сказаць, што я сын

Родных сэрцу лясоў і балот,

Краявідаў імшыстых нізін.

 

Ліпень, 1929, м. Самацеевічы

 


ліпень 1929

Тэкст падаецца паводле выдання: невядомае
Крыніца: невядомая

Беларуская Палічка: http://knihi.com