epub
 
Падключыць
слоўнікі

Юлі Таўбін

Васількі

 

Людзі йшлі па плошчах гожых,

Па праспектах гарадскіх...

Ты на стыку ўсім прахожым

Прадавала васількі.

 

Людзі йшлі і праміналі,

Не вярталіся ізноў...

Ім нічога не казалі

Зоркі-вочы васількоў.

 

Толькі я, дзівак-паэта,

Прыпыніўся і сачыў,

Як пялёсткі з тых букетаў

Асыпаліся ўначы.

 

1928, Варонеж

 


1928

Тэкст падаецца паводле выдання: невядомае
Крыніца: невядомая

Беларуская Палічка: http://knihi.com