epub
 
Падключыць
слоўнікі

Юлі Таўбін

«Вечар... У горадзе вечар... Снягі пасінелі...»

 

Вечар... У горадзе вечар... Снягі пасінелі...

І дрыжыць тэлефонная сець...

Толькі крокі па цёмных, шырокіх панелях

І ўначы не пакінуць гручэць.

 

Маладзік у нябёсах блукае бязмежных,

А на вуліцах - ноч... мітульга...

І ля бліжняй да нас трансфарматарнай вежы

Электрычных праменняў дуга.

 

Знекуль чуюцца гукі фабрычнае песні,

Недзе дыша магутны матор...

Вечар... У горадзе вечар... Над горадам месяц.

А за горадам снежны прастор.

 

24.01.1929

 


24.01.1929

Тэкст падаецца паводле выдання: невядомае
Крыніца: невядомая

Беларуская Палічка: http://knihi.com