epub
 
Падключыць
слоўнікі

Юрка Лявонны

Распляскалася ў прасторы сонца

Распляскалася

Ў прасторы сонца.

Зелянее стромкая трава.

Ад жыцця не стану я ў старонцы,

Буду ранне шчыра вартаваць.

 

Будуць песні раўчакамі ліцца -

І не сядзе на суку тым жаль.

Не пахіліць лозаў вецер ніцы,

Не загіне ў просіні мяжа.

 

Заглядзіцца месяц сівагрывы,

Дол пакрые тонкім серабром.

Пройдзе ноч няскончаным урыўкам,

Каб схавацца ўранні за гарой.

 

У прасторы -

Ураган сваволіць.

Льецца з клёнаў жоўтае лісцё.

Прывітаю я жыццё і словы,

Як вітае родны брат сясцёр!..

 

1927

 

 

Каментары

 

Паводле выд.: Лявонны Ю. Выбранае. Мінск, 1960.

 




Крыніца: Расстраляная літаратура. Менск, Кнігазбор, 2008.
Беларускі Кнігазбор: http://bk.knihi.com

Беларуская Палічка: http://knihi.com