Мы не паклонімся богу,—
Бога стварыў чалавек.
Шырай жа к праўдзе дарогу!
Лганству не месца ў наш век.
К чорту касцёлы, капліцы,
Цэрквы, званіцы, званы!
Досыць працоўным маліцца
Рэчам папоўскай маны.
Хай будзе сотня і болей
Разам ляжаць плашчаніц,
Мы перад імі на доле
Не распластаемся ніц.
Годзе біць лоб аб падлогу,
Славячы «сына», «айца»!
Бой, што абвешчаны богу,
Мы давядзём да канца.
Шырай жа к праўдзе дарогу!
Лганству не месца ў наш век.
Мы не паклонімся богу,—
Бога стварыў чалавек.
1923